غزل
پتنگے شمع سے دل کو لگا کے
قضاء کی گود میں سوے ہیں جا کے
نشیمن کا ہمارا تنکا تنکا
خزاں کے کام آیا کچھ ہوا کے
برا دل پر اثر پڑتا ہے اس کا
ہمیں دیکھا نہ کیجیۓ مسکرا کے
شب فرقت کے جاگے سو رہے ہیں
چراغ زندگی اپنا بجھا کے
بیاں کرنا ہے قصّہ درد دل کا
تمہیں اک روز اپنے گھر بلا کے
تمہارا نام کیوں بیمار لیتے
اگر ممنون ہو جاتے دوا کے
زمانے بھر کی تکلیفیں اٹھایئں
چمن میں آشیاں اپنا بنا کے
ستارہ غم کا ڈوبا یوں سحر کو
ہوئی کم روشنی منزل پہ جا کے
بتا تی ہے بشاشت رخ کی احمد
وہ خوش ہیں مجھ کو دیوانہ بنا کے
احمد عرفان